MALO SA'OLOTO TUTO'ATASI O SĀMOA

Tags


Malo Sa'oloto Tuto'atasi o Sāmoa
O Sāmoa o se atunuu laitiiti lava. Mai le taimi muamua, e lua ni atumotu tetele sa faapena ona iai. O igoa la nei o atumotu: O Sāmoa i Sisifo lea ua faaigoa o Sāmoa, ma Sāmoa i Sasa'e lea ua faaigoa ia American Sāmoa po'o Amerika Sāmoa. O motu e valu o Sāmoa: Savaii, Upolu, Manono, Apolima, Nu'usafee, Fanuatapu, Nu'ulua, ma Nu'utele. E 499,000 le aofai o tagata i nonofo i totonu o Sāmoa.

E pule Sāmoa i lana minista o le Malo Sāmoa (Minista o nei taimi) Tuilaepa Lupesoliai Sailele Aiono Malielegaoi. O le Tama ma Ao O Le Malo mo Sāmoa, o lea ua tulai ai le Afioga ia Tuiatua Tupua Tamasese Efi ina ua tu'umalo le Susuga i le Malietoa Tanumafili II i le Aso Faraire,11 o Me 2007. Sa tutoatasi Sāmoa i le tausaga 1962. Ua manumalo Sāmoa i le tutoatasi ua lana pule anamua, Niu Sila. O Sāmoa o le Atunuu muamua i le Pasefika na ia uluai maua le Tutoatasi ao i lalo ai o le vaavaaiga a Niu Sila. E lua gagana ua mafai ona faaogaina i Sāmoa, o le Gagana Fa'aperetania (English) ma le Gagana Faasamoa (Sāmoan). O le taulaga o Sāmoa o Apia, i le motu o Upolu. E 38,800 tagata e nonofo i totonu o le taulaga o Apia. O le aai sili o Amelika Samoa o Pagopago, i le motu o Tutuila.

O tagata Samoa uma i le lalolagi e nonofo i Sāmoa, Amelika Sāmoa, Fiti, Tonga, Niusila, Ausetalia, Amelika, Europa, ma isi atunuu pei o Iapani, ma isi atunuu. O Sāmoa o se atunuu Lotu Kerisiano. O lotu o i totonu o Sāmoa o le Lotu Katoliko (Lotu Pope), Lotu E.F.K.S-Ekalesia Faapotopotoga Samoa, Lotu Mamona, Lotu Metotisi, Lotu Patipati, ma tele o isi tama'ilotu kerisiano eseese ua faapena ona oo mai i totonu o Sāmoa. Sa i ai nisi atua sa faapena ona tapuai ai Sāmoa i aso ua mavae. Ao le taimi nei, ua nao le toatasi lava le Atua ua faapena ona ifo taele ma tapuai a i tagata O Sāmoa ua nao le Tama o i Le lagi, le Atua, o le na faia i tatou i le faavae o Sāmoa, o loo faapea ona tusia ai upu nei: E fa'avae i le Atua Sāmoa.