FIJI ISLANDS - फ़िजी

Tags


Fiji (Devanagri: फ़िजी ), jiske Republic of the Fiji Islands ke naam se bhi jaana jaawe hae, Pacific Ocean me ek taapu kr jhund hae. Fiji, Vanuatu ke east, Tonga ke east aur Tuvalu ke south me hae. Fiji me puura milae ke 322 taapu hae, jisme se 106 me admii logan rahe hae. Dui sab se barraa taapu hae Viti Levu aur Vanua Levu, jahaan pe Fiji ke 87% log rahe hae.

Seru Cakobau

Itihaas
Abel Tasman, pahila goraa admii rahaa jon ki Fiji ke dekhis rahaa, lekin uu aapan jahaaj se utris nai, kaahe ki uske dar rahaa ki Kaiviti logan uske khaae leinye. Captain Cook bhi Fiji aais rahaa aur kuch island me utris. Fiji ke 10 October 1874 me Britain ke de dewa gais rahaa aur Fiji ke aapan gorr pe kharraa hoe ke khatir Hindustani logan ke Fiji lawa gais rahaa.

Fiji ke 1970 me ajaadi mila. 1987 me Fiji ke sarkar ke Fiji ke sena palat this aur bahut Hundustani logan Fiji chhorr ke duusra des chala gain. 1990 me Fiji ke republic banae dewa gais aur nawaa constitution Hindustani logan ke adhikaar aur kamti kar diis. 1997 me, Fiji ke Prime Minister, Sitiveni Rambuka aapan dimag badal ke ek aur nawaa constitution pe samjhauta kar liis jisme Hindustani logan ke adhikar lautae dewa gais. 1999 ke election me Mahendra Chaudhry ke Fiji Labour Party ke jiit bhais, lekin ek saal baad ii sarkar ke bhi palat dewa gais. 2001 ke election me Laisenia Qarase ke Prime Minister vote karaa gais. 2005 ke December me Qarase ke sarkar ke bhi army palat this aur Commodore Bainimarama Fiji ke Prime Minister banaa.